Албанија почна масовно вакцинирање

Масовна имунизација на населението почна денес во Албанија, во пресрет на летната туристичка сезона, откако земјата набави 192.000 дози од кинеската вакцина против коронавирусот.

Фото: ЕПА

Стотици постари од 70 години доаѓаат на плоштадот Скендербег во Тирана, каде што вакцинациите се вршат во два големи шатори.

Албанија почна со вакцинација во средината на јануари, но таа се одвиваше многу бавно сѐ додека не пристигнаа вакцините од кинеската компанија „Синофарм“ оваа недела.

Пред кинеската вакцина, во Албанија пристигнаа помалку од 100.000 дози вакцини Фајзер/Бајонтек и Астра зенека и руската вакцина Спутник V.

Досега во Албанија се вакцинирани 65.000 лица, вклучително и медицински персонал, лица над 80 години и наставници во училиштата.

Вакцините на компанијата Синофарм оваа недела ги донесе премиерот Еди Рама од Турција, додека во следните два месеци Албанија треба да прими 500.000 дози од вакцината на кинеската компанија Синовак.

Рама исто така рече дека компанијата Синовак ќе гради фабрика во Албанија, која ќе произведува разни вакцини.

Албанската влада сака да вакцинира што повеќе луѓе за земјата да биде подготвена за летната туристичка сезона. Пред пандемијата на коронавирусот, туризмот стана важна индустрија за економијата на Албанија.

Странските туристи што доаѓаат во Албанија нема да мора да докажуваат дека примиле вакцина против коронавирусот.

Легенда под Главна слика

Фото: ЕПА

Кусокот во глобалното производство на вакцини против КОВИД-19 може да се надомести доколку на производителите ширум светот им се даде пристап до потребната технологија и знаење. 

повеќе

Европа е решена да се ослободи од меката моќ на Москва (енергенсите), а и на дипломатско поле сака да и стави до знаење дека и за неа ќе има „црвени линии“. 

повеќе

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе