Знамињата на сите институции во АЛбанија денес ќе бидат спуштени на пола копје, додека училиштата ќе бидат затворени. Фудбалскиот сојуз на Албанија ги откажа сите натпревари неделава. Вчера и претседателот Хаши Тачи го прогласи 27 ноември за Ден на жалост на Косово.
Спасувачките служби сѐ уште трагаат по преживеани под урнатините. Според последните информации, загинале најмалку 27 луѓе, а над 650 се повредени. Од урнатините се извлечени повеќе од 40 луѓе, а се трага за уште петнаесетина.
Сите спортски сали во престолнината на Албанија се отворени за згрижување на граѓаните.
Помош пристигна од земјите на Европа и светот, како и од регионот.
Епицентарот на најсилниот потрес беше на длабочина од 12 километри во близина на Драч. Последиците на земјотресот се најтешки во местото Туман, 30 километри северно од Тирана, како и во Драч.
Во Драч повеќе никој не плаче ниту кука по улиците, но голема е неизвесноста, јавуваат агенциите.
Albania has been hit by the worst earthquake in decades.
— Al Jazeera English (@AJEnglish) November 27, 2019
At least 21 were killed and hundreds injured in the 6.4-magnitude earthquake. Rescue workers continue to search for survivors. pic.twitter.com/EVJo2sL5ie
„Немам каде да се вратам. На собаа во која спијам ѝ недостига цел ѕид. Во сите останати простории или е пукнат ѕидот или се урна плафонот. Моето семејство и јас ќе преспиеме ноќеска во куќа на пријател која не е толку оштетена, но што понатаму – не знам“, изјави момче од дваесетина години.
@mrdanwalker @BBCBreakfast
— ilir (@ShaqiriIlir) November 27, 2019
Watching the news this morning and no even a mention of the earthquake in Albania. So disappointed that institutions like BBC don't think is worth broadcasting this. 21 dead over 600 injured and 1000 left without a home..... https://t.co/mtdc5liO3l
Друго момче кажа дека во животот не видел ништо пострашно. Тој кажа дека училиштата се затворени, не работат ни банките, а, како што кажа, веднаш по земјотресот струјата во целиот град била целосно исклучена од претпазливост, но набрзо била повторно вклучена.
Продавниците и самопослугите се отворени. Мобилната телефонија работи.
Најмногу настрадале старите згради, додека повеќето новоградби се без потешки оштетувања. Оние кои имаат каде да заминат отишле надвор од Драч, на село.
