Албанците загрижени поради барањето за враќање на визите, стравуваат од домино ефект

Албанскиот претседател Илир Мета, по повод одлуката на холандскиот парламент за враќање на визите, кажа дека Тирана треба да направи сѐ во нејзина моќ за одлуката да не предизвика домино ефект.

Станува збор за барањето на холандскиот парламент за суспензија на безвизниот режим со Албанија.

„Постапката на холандскиот парламент е без преседан, колку што ми е познато, досега не се случило да постои такво барање за западниот Балкан и нашата држава. Се разбира, тоа е аларм и ние мора да испратиме силни пораки до организираниот криминал, кој не е загрижувачки само во Холандија, туку и во други земји како Британија“, истакна Мета.

Албанија мора потесно да соработува со Европската комисија за да не се случи ситуација која би довела до негативна перцепција за Албанија, кажа Мета, и додаде дека овој случај покажува дека „се појавуваат одредени појави кои можат да бидат штетни и ранливи“ за неговата земја.

Тој предупреди дека постои можности Албанија да се соочи со слични одлуки од другите земји членки на ЕУ.

„Важно е да реагираме и кон нашите граѓани и кон меѓународните партнери“, кажа Мета.

Четворица холандски пратеници иницираа да се укине безвизниот режим на патување за албанските државјани во Шенген зоната, во рамки на борбата против организираниот криминал.

Предлогот беше усвоен во парламентот на Холандија на 11 април, по што од холандската влада ќе се побара да ѝ предложи на Европската комисија да ја почне процедурата „вонредна кочница“, која овозможува суспенција на безвизните патувања.

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе

На Македонија и Бугарија им треба дебата која ќе го унапреди историското разбирање без робување на идеологии, митологии и политики.

повеќе

Македонизмот често е мистика и точка на недоразбирање и меѓу Македонците и на Македонците со другите народи во и околу Македонија.

повеќе