Лажна тревога во Сирија

Активиран сирискиот антиракетен систем, Пентагон: Не пукавме ние (ВИДЕО)

Сириските сили реагирале на воздушен напад врз Хомс, чија цел била да ја погоди воздухопловната база Шајрат, јави сириската телевизија. Сириски воени извори, пак, велат дека одбранбениот систем во Хомс бил случајно активиран.

Сириската противвоздушна одбрана доцна во понеделникот соборила ракети упатени кон сириската воздушна база Шајрат во провинцијата Хомс и врз уште една база северозападно од главниот град Дамаск, јавија сириската државна телевизија и проиранските медиуми на Хезболах.

Државната телевизија прикажа слики од проектили што биле погодени во воздухот над воздухопловната база само неколку дена по нападите на САД, Велика Британија и Франција врз сириските цели во знак на одмазда за наводниот хемиски напад врз градот Дума кај Дамаск.

Портпаролот на Пентагон рече дека во тоа време и во таа област немало воени активности на САД.

Запрашан за ракетниот напад, израелски воен портпарол рече: „Ние не коментираме такви информации.“

Според сириската телевизија, ракетите биле соборени од државните сили за одбрана.

Сириските медиуми не наведоа кој би можел да ги испука овие проектили.

Запрашан за наводите за напад врз ракетата врз воздушната база Шајрат во сирискиот регион Хомс, Пентагон рече:

„Во тоа време немаше американска воена активност во таа област“, пренесе агенцијата.

Сириски воени извори, пак, ги негираа информациите за раноутрински ракетен напад врз авионската база Шајрат и за новинската агенција ДПА рекоа дека системите за одбрана биле активирани, но дека тоа се покажало како лажен аларм.

Универзитетите повеќе не се место за натпревар помеѓу кандидатите во креација, научна продукција и сл., туку место за „вдомување“ на партиски активисти.

повеќе

Спортските организации својата активност премногу ја имаат насочено кон дејноста спорт како игра, тренирање или бизнис, а не кон спортот како социјална потреба во функција на подобрување на општествените состојби.

повеќе

Н е јасно како оваа одложена покана е поразлична од онаа од Самитот на НАТО во Букурешт во 2008 година.

повеќе