На распит на 28 септември

Агим Чеку повикан во Хаг како осомничен

Поранешниот командант на главниот штаб на Ослободителната војска на Косово, бивш премиер и министер за одбрана на Косово, Агим Чеку, вчера е повикан да се појави на сослушување пред Специјалното обвинителство во Хаг на 28 септември.

Тој за порталот Коха.нет изјави дека е повикан како осомничен.

„Вчера добив покана како осомничен. Патувам на 28 септември“, рече Чеку.

Со поканата од Специјалниот суд во Хаг до Чеку се комплетира бројот на повикани членови од главниот штаб на ОВК и најголемиот број команданти на зони.

Според информациите од Здружението на ветерани на поранешна ОВК, околу 250 нивни членови се повикани пред Специјалниот суд како осомничени или како сведоци.

Специјалното обвинителство во Хаг првите обвиненија против осомничени поранешни припадници на ОВК за злосторства извршени за време на војната на Косово ги поднесе во февруари годинава.

Потоа, во јуни, Обвинителството до Специјализираните совети на сослушување поднесе обвинение со кое Хашим Тачи, Кадри Весељи и други лица се товарат за злосторства против човештвото и за воени злосторства, вклучувајќи убиства, присилно исчезнување, прогонства и тортура.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе