Трето барање за исклучување на Фидес

13 членки на Европската народна партија побараа исклучување на партијата на Орбан

Вкупно 13 партии членки на Европската народна партија (ЕПП) побараа денес од таа група да биде исфрлена партијата Фидес на унгарскиот премиер Виктор Орбан.

„Бараме исфрлање на Фидес од ЕПП. Развојот на ситуацијата го потврдува нашето уверување дека Фидес, со сегашната политика, не може да го ужива членството во ЕПП“, се наведува во писмото испратено до претседателот на таа европска група Доналд Туск.

Исфрлање на Фидес побараа лидерите на 13 партии од вкупно 82 во ЕПП, меѓу кои и премиерот на Грција Киријакос Мицотакис. Меѓутоа, ниедна од големите политички формации во таа група, како Христијанско-демократската унија (ЦДУ) на германската канцеларка Ангела Меркел и Народната партија во Шпанија, не се дел од иницијативата.

Барањето на тие 13 партии ќе му овозможи на Туск да почне постапка за исклучување. Тоа е трето барање за исклучување на партијата на Орбан, но претходните обиди беа безуспешни затоа што некои партии како ЦДУ одбија да гласаат.

ЕПП во март 2019 го суспендираше Фидес на неодредени, бидејќи веќе низа години сѐ повеќе се оддалечува од политиката на групацијата на десниот центар.

Европската Унија е загрижена поради тоа што унгарскиот парламент на 30 март го усвои спорниот закон кој му дозволува на Орбан да владее со укази за време на вонредната состојба со неограничено траење.

Орбановите критичари во Унгарија но и во странство тој закон го сметаат за инструмент чија цел е речиси целосна контрола на владата која ја користи пандемијата на коронавирусот како изговор.

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе