Првиот марсотрес

Зошто „тивката бучава“ на Марс е толку возбудлива (АУДИО)

Таа е „доказ дека Марс сè уште е сеизмички активен“.

На Марс е откриена „слаба бучава“, но таа значи нешто големо - првиот сеизмички сигнал откриен на површината на планетарно тело што не е нашата планета, ниту е месечината.

Тоа му успеа на леталото Инсајт на НАСА. Тоа ги следи потресите што може да ја разјаснат внатрешноста на Марс уште откако во декември минатата година неговата роботска рака постави заштитен сеизмометар на западната страна на рамницата Елисиум, неколку недели откако слета.

Клучниот момент се случи на 6 април, 128 дена од почетокот на мисијата. „Овој конкретен марсотрес, првиот што сме го виделе, е многу, многу мал“, вели главниот научник на мисијата, Брус Банерд. „Дури не би го ни забележале во вашиот секојдневен живот“.

Истражувачот Том Пајк додава: „За многу работи не сме сигурни“, но „веројатно е настан со магнитуда од само 1 до 2, можеби во зона од стотина километри“.

Потресот, кој траел 10 минути, може да значи движење во внатрешноста на планетата или удар од метеорит.

Интересно е тоа што научниците од Инсајт велат дека типот на бучавата многу ги потсетува на типот на податоците што сензорите на Аполо ги собраа на површината на Месечината, вели Би-би-си. Тимот исто така испитува помали сигнали откриени на 14 март, 10 и 11 април, но сè уште не може да потврди дека се сеизмички настани.

„Кога имате таков настан, не знаете дали само имате среќа, но кога ќе видиме два или три такви, ќе знаеме повеќе“ за активноста на планетата, рече Пајк за Би-би-си.

„Многу е возбудливо тоа што конечно имаме доказ дека Марс сè уште е сеизмички активен“, рече шефот на сеизмометарот на Инсајт, Филип Лоњоне, за сајтот Спејс. „Чекавме со месеци“.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе