Значаен пробив во борбата против коронавирусот

Војската на САД дизајнирала тест кој би можел да ги открие носителите пред да почнат да ја шират болеста

Научници кои работат за американската војска дизајнирале нов тест за коронавирусот кој потенцијално може да ги идентификува носителите пред да станат заразни и да продолжат да ја шират болеста, јавува Гардијан.

Тој тест, пишува весникот, би бил вистинска револуција бидејќи би го откривал присуството на вирусот побрзо од сега и пред носителот да стане заразен.

Тоа би можело да стане значително пробивање во борбата против болеста, а координаторите на проектот се надеваат дека со тестирањето на крвта ќе можат да го откријат присуството на вирусот 24 часа по инфекцијата, односно пред луѓето да покажат симптоми и неколку ден пред кога се смета дека носителот е способен да го шири вирусот на други.

Тоа е исто така четири дена пред да можат моменталните тестови да го откријат присуството на вирусот.

Тестот настанал од проект основан од американската Воена агенција за напредни истражувања во областа на одбраната (ДАРПА), а чија цел е брза дијагноза на бактерии или труење со хемикалии при хемиско војување.

Истражувањето било брзо пренасочено кога изби пандемијата, а се очекува тестот да биде предложен за одобрување за итна употреба од страна на американската Управа за храна и лекови (ФДА) во рок од една недела.

Доколку добие одобрување од ФДА, овој концепт на тестирање би го пополнил „дијагностичкиот јаз“ и целосно би ја „изменил играта“, подобрувајќи ја ефикасноста на програмата за тестирање и следење, додека владите во светот ги ублажуваат мерките, вели ДАРПА.

Доколку нешто радикално не се промени, не можеме да очекуваме дека нашата економија брзо ќе се нормализира и ќе излезе од сегашната криза.

повеќе

Како да разликуваш дали „Македонец” означува етничка припадност или државјанство? Според потребата на моментот!

повеќе