Вторпат во историјата на човештвото

Војаџер 2 влезе во меѓуѕвездениот простор (ВИДЕО)

Вторпат во историјата, објект направен од човечки раце успеа да стигне во меѓуѕвездениот простор, јави НАСА.

Вселенската сонда на американската вселенска агенција Војаџер 2 ја напушти хелиосферата, односно заштитната област (балонот) од магнетни полиња и честички кои ги произведува Сонцето.

Споредувајќи ги податоците од различните инструменти добиени од леталото, тимот начуници на НАСА утврди дека Војаџер 2 го напуштил Сончевиот систем на 5 ноември 2018 година.

Научниците на НАСА би требало да се сретнат со колегите од Американската геофизичка унија (АГУ) за да ги протолкуваат добиените информации, пишува порталот Физ.

Првата сонда Војаџер на НАСА во 2012 година влезе во меѓуѕвездениот простор, но леталото беше неисправно. Војаџер 2 сѐ уште носи исправен инструмент кој ќе овозможи проучување на овој природен излез во меѓуѕвездениот простор.

Војаџер 2 се наоѓа на одалеченост од нешто повеќе од 18 милијарди километри од Земјата. Експертите на НАСА сѐ уште можат да комуницираат со сондата.

Информациите патуваат со брзина на светлината и потребни се 16 и пол часа да стигнат од леталото до Земјара. За споредба, светлината од Сонцето до Земјата патува осум и пол минути.

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе