Во Сибир измерени 48 Целзиусови степени

Пред неколку дена во Сибир се измерени неверојатни 48 Целзиусови степени.

EPA-EFE

Два европски сателити на 20 јуни во областа на арктички Сибир измериле температура од 118 Фаренхајти, односно 47,7 Целзиусови степени. Станува збор за температура на тлото така што не станува збор за температурен рекорд. Температурата на воздухот во таа област тогаш изнесувала околу 30 Целзиусови степени.

И покрај тоа, сепак е многу необично висока температура за Арктичкиот круг и ваквите жештини би можеле да го забрзаат понатамошното топење на вечниот мраз и да ги забрзаат климатските промени. Имено, вечниот мраз спречува древните резервоари на гасови со ефект на стаклена градина да се вратат во Земјината атмосфера, пишува Лајв сајенс.

ЕУ сателитите Коперник сентинал 3А и 3Б ги забележале овие високи температури за време на топлотниот бран кој го погоди речиси целиот Сибир. Овие жештини укажуваат на можност од жежок почеток на летото, по пролетта кога во Сибир беа забележани стотици шумски пожари.

Многу од овие пролетни пожари беа таканаречени „зомби пожари“ бидејќи всушност станувало збор за повторно почнати шумски пожари кои гореле минатото лето и кои никогаш не биле целосно изгасени. Зомби пожарите со месеци тлееле под зимскиот мраз и снегот, хранејќи се со тресет богат со јаглерод кој се наоѓал по ледената површина. Кога снегот се топи на пролет, пожарите повторно се разгоруваат.

Пред една година, на 20 јуни 2020, во истата област во Сибир беше забележана рекордна температура на воздухот за тој период – 38 Целзиусови степени. Веќе со години просечните температури на Арктикот растат побрзо отколку каде било во светот, а најголема причина за тоа е топењето на морскиот мраз поради глобалното затоплување.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе