Спејсекс лансира рекорден број сателити на една ракета (ВИДЕО)

Поставен е нов светски рекорд според бројот на сателити испратени во вселената со една ракета.

Фото: скриншот

143 сателити, од секакви облици и големини, заминаа во орбитата со ракетата Фалкон на Спејсекс, која беше лансирана од Флорида.

Бројот го надминува претходниот рекорд од 104 сателити што ги однесе едно индиско летало во 2017 година.

Ова е уште еден доказ за големите структурни промени што се случуваат во вселенската активност, што овозможува вклучување на многу повеќе актери.

Оваа промена е резултат на револуција во робусните, минијатуризирани, евтини компоненти, голем број преземени директно од потрошувачката електроника, како што се смартфоните, што значи дека сега скоро секој може да изгради валиден сателит во многу мала форма.

А со понудата на Спејсекс да ги однесе тие пакети во орбитата за само 1 милион американски долари, комерцијалните можности ќе продолжат да се отвораат, вели Би-би-си.

Самиот Спејсекс имаше 10 сателити на Фалкон, најновите додатоци на неговата мега-констелација Старлинк, која ќе обезбеди широкопојасни интернет-врски низ целиот свет.

Легенда под Главна слика

Фото: скриншот

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе

Таквиот вид на анахрон национал-романтизам, со речиси апологетски однос кон окупаторската политика на Бугарија во Втората светска војна, штетна е за хармонизација на односите на Балканот, пред сѐ на Бугарија со РСМ, но и со Србија.

повеќе

Некогаш да градиш на три континенти, а денес да не ја градиш сопствената држава.

повеќе