Првиот од вкупно 32

Спејсекс го лансираше првиот американски сателит за национална безбедност (ВИДЕО)

Ракетата на Спејсекс со американски воен сателит за навигација беше лансирана од кејп Канаверал на Флорида денес, со што оваа компанија за вселенски транспорт ја почна првата американска вселенска мисија за национална безбедност.

Ракетата фалкон 9, опремена со ГПС сателит вреден околу 500 милиони долари изработен од Локид Мартин корпорацијата, полета од Кејп Канаверал во 8:51 по локално време. Претходните четири лансирања, вклучувајќи го и вчерашното, беа одложени поради лоши временски услови и технички проблеми.

Успешното лансирање е победа за компанијата на милијардерот Илон Маск која се бави со изработка на вселенски летала и со години се обидува да се пробие на пазарот на воените вселенски летала каде што доминираат Локид и Боинг.

Спејсекс во 2014 го тужеше американското воено воздухопловство околу повеќе милијарди вредниот договор за лансирање 36 ракети кој без тендер му беше доделен на Јунајтед лонч алајенс, парнерството меѓу Боинг и Локид. Компанијата Спејсекс се откажа од тужбата во 2015, откако военото воздухопловство се согласи да отвори тендер.

Следната година Спејсекс доби 83 милиони долари вреден договор со американското воено воздухопловство за лансирање сателити ГПС 3, кој ќе потрае 15 години.

Ова беше лансирање на првиот од вкупно 32 сателити со вкупна вредност од 12,6 милијарди долари кои Локид ќе ги произведе за програмата ГПС 3 за американското воено воздухопловство, наведе портпаролот на Локид Чип Ешенфелдер.

Лансирањата требаше да почнат во 2014 година, но ги одложија пречките во производството. Следниот ГПС 3 сателит ќе биде лансиран кон средината на 2019, додека останатите сателити се на лансирања во Колорадо, соопшти Локид.

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе