БАС на социјалните мрежи ги објави првите сателитски снимки од откршената санта мраз.
Големината на ледената формација отприлика одговара на големината на Лондон со предградијата. Истражувачите кажаа дека не веруваат дека климатските промени се одговорни за откршувањето како кај некои случаи во изминатите години. „Овој настан на откршување беше очекуван и е дел од природното однесување на ледениот гребен Брант. Не е поврзано со климатските примени“, кажа глациологот на БАС Диминик Хоџсон.
NEW satellite image of the huge iceberg that has calved off the Brunt Ice Shelf in #Antarctica shows a clear break. Image was acquired late Monday by Suomi/NPP VIIRS satellite courtesy of @NASA pic.twitter.com/16go7kezUo
— British Antarctic Survey (@BAS_News) January 24, 2023
Пукнатината во ледената плоча, која истражувачите ја нарекуваа Казм-1, беше откриена пред повеќе години и од тогаш се прошируваше додека парчето мраз конечно не се одвои. Се очекува морската струја да ја однесе сантата мраз, која американскиот национален центар за мраз допрва треба да ја именува, долж антарктичкиот брег, како што се случи со претходните големи санти мраз.
Британските истражувачи на глечери ќе продолжат да го набљудуваат ледениот брег. Истражувачите минатата година како причина за откршувањето на голема санта мраз од 1.200 квадратни километри ги наведоа климатските промени бидејќи топењето на морскиот мраз значително се забрзува поради повисоките температури.
With the reported calving of #BruntIceShelf and the anxious wait for a #Sentinel1 overpass, here's a 2018-2023 time lapse from #Sentinel2, with a spectacular shot of the enormous ice berg from #Sentinel3 today, watch to the end! 🛰️
— Dan Potts (@Sentinel_DanP) January 24, 2023
Made with @sentinel_hub & @CopernicusEU pic.twitter.com/AReUbK1BLj
БАС управува со истражувачката станица на ледениот брег Брант на Антарктикот. Организацијата ја премести станица околу 20 километри кон внатрешноста на континентот во 2016 за да не биде загрозена од откршувањето на големите санти.
Истражувачите престојуваат во станицата во време на антарктичкото лето, кое трае од ноември до март, а остатокот од годината го минуваат во британскиот универзитетски град Кембриџ, каде ја набљудуваат областа користејќи сателитски снимки од ЕСА и НАСА, европската и американската вселенска агенција, и германскиот сателит Терасар-Икс. Ледениот брег Брант е една од највнимателно набљудуваните ледени плочи на Земјата.
