Руската војска го претстави новиот ловец МиГ-35 (ВИДЕО)

Руското министерство за одбрана го претстави најновиот руски борбен авион МиГ-35, кој сѐ уште е во фаза на тестирање, со нова снимка на која се гледаат дел од можностите на авионот.

Новиот руски ловец може да се искачи до висина од 17.500 метри а оперативниот горен праг почнува на 16.000 метри. На голема висина МиГ-35 може да лета со брзина од над 2.100 км/ч.

Претходно дел од руските медиуми јавија дека ловецот е дизајниран за да носи ласерско оружје. Иако Русија сѐ уште нема претставено такво оружје, авионот сепак може да биде вооружен со речиси сѐ што постои во рускиот арсенал, со муниција воздух-воздух и воздух-земја.

Руската телевизија Звезда, пак, која е блиска до Кремљ објави снимка од полетување на новиот ловец МиГ-35 под големо забрзување.

Оперативниот радиус на МиГ-35 е 1.000 километри и може да остане во воздух двапати подолго од ловците од претходната генерација – доколку местото за вториот пилот се замени со дополнителен резервоар за гориво. Авионот може да детектира и следи до 30 воздушни мети на растојание до 160 километри, а може истовремено да гаѓа шест воздушни и четири копнени цели.

Новиот руски ловец се очекува да влезе во служба во 2020 година.

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе