Руската орбитална станица ќе може да работи бесконечно долго

Новата руска орбитална станица, на чиј проект работи ракетно-вселенската корпорација Енергија, ќе може да работи бесконечно долго, покажуваат документите на корпорацијата во кои имала увид новинската агенција РИА Новости.

EPA-EFE

Трајноста се постигнува, пред сè, со менување на модулите.

Раководителот на Институтот за вселенска политика Иван Мојсеев изјави дека, ако од старт се тргне од принципот дека модулот го отслужил своето и дека се заменува со друг, тогаш станицата станува „вечна“.

Русија има големо искуство во изградба на орбитални станици, но за секоја досега беше одреден рок на користење.

Станицата Мир првично требаше да биде во употреба пет години, а работеше 15, рокот за употреба на Меѓународната вселенска станица (ИСС) беше 15 години, но станицата трае 26 години, а се разгледува можноста за нејзина употреба до 2030 година.

Досега никогаш не била размислувано за можноста една орбитална станица да трае вечно.

Заменикот на главниот конструктор во корпорацијата Енергија Владимир Соловјев во октомври изјави дека новата орбитална станица по конструкцијата ќе личи на станицата Мир и дека ќе има најмалку пет модули.

Новата станица би требало да биде поголема од Мир и рускиот дел на ИСС, а нејзината позиција во орбитата на височина од 400 километри и под агол од 98 степени би овозможила надгледување на целата површина на Земјата, пред сè на Арктикот и Северниот морски пат.

Легенда под Главна слика

EPA-EFE

Јане бил свесен дека деновите му се одброени и отворено говорел за тоа. Знаел дека многумина имаат причина да го ликвидираат, дека им пречи во остварувањето на нивните „повисоки цели“.

повеќе

Во македонскиот интернет простор постојано се појавуваат и гаснат портали, со што засекогаш исчезнуваат и објавените содржини.

повеќе

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе