Русите се спремни да им помогнат на Турција во проектот за ловец од петтата генерација

Официјална Москва преговара со Анкара околу учествување во програмата за развој на нов турски ловец од петтата генерација.

EPA-EFE

Ова за РИА Новости го изјави Дмитриј Шугаев, директорот на Федералната служба за воено-техничка соработка на Русија.

Турција претходно беше исфрлена од програмата на американскиот Ф-35 поради набавката на рускиот ракетен противвоздушен систем С-400, а во тек се преговори за платените пари за модерниот авион да се добијат застарени Ф-16.

„Русија повеќе пати изразуваше спремност да ѝ помогне на Република Турција“, кажа Шугаев.

ТАИ ТФ-Х ќе биде „стелт“ ловец со два мотори кој го развиваат Туркиш аероспејс индустрис и БАЕ системс како подизведувач.

Планирано е авионот да ги замени застарените Ф-16 кои ги користи турското воено воздухопловство.

Извршниот директор на ТАИ Темел Котил изјави дека ТФ-Х првиот лет ќе го изведе до 2025 година, а се очекува да влезе во употреба во 20-30-тите.

Шефот на Дирекцијата за одбранбена индустрија на Турција Исмаил Демир претходно кажа дека Анкара би можела да купи руски воени авиони од последната генерација, ако од САД не добие ловци Ф-16.

„Ако САД не го одобрат договорот за Ф-16, по ситуацијата со Ф-35, Турција нема да има друг избор. Купувањето на руските Су-35 и Су-57 може да се реализира во секое време“, кажа неодамна Демир.

Легенда под Главна слика

EPA-EFE

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе