Персевиренс на НАСА ќе собере примерок од карпа од Марс

Роверот на НАСА Персевиренс се подготвува да го собере првиот примерок од карпа од Марс, објави во средата американската вселенска агенција.

EPA-EFE/NASA/JPL-Caltech

Собирањето примероци, што НАСА го обележа како пресвртница, ќе започне во следните две недели.

„На прагот сме на нова ера на планетологијата и откривањето“, рече научникот од НАСА, Томас Зурбухен.

Процесот ќе трае околу 11 дена и вклучува употреба на разни научни инструменти на роверот Персевиренс.

Кога и како точно сондата ќе биде вратена на Земјата сè уште не е испланирано.

Последователните мисии на НАСА, кои во моментов се развиваат со Европската вселенска агенција, ќе испратат вселенски летала на Марс за да соберат запечатени примероци и да ги вратат на Земјата.

Персевиренс ризично слета на Марс кон крајот на февруари. Развојот и конструкцијата на роверот чини околу 2,5 милијарди долари, а траеле осум години.

Роверот бара траги од претходен живот на микроби на Црвената планета и ги истражува нејзината геологија и клима.

Со Роверот на Марс бил донесен и мини хеликоптер. Во средината на април полета на Марс, што е прв лет на друга планета.

Оттогаш, хеликоптерот Инџенуити изврши девет летови и неговата оригинална мисија од 30 дена е продолжена.

Легенда под Главна слика

EPA-EFE/NASA/JPL-Caltech

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе