Откриена огромна „загубена“ пештера со 3 ката и џиновска сала на Антарктикот (ФОТО)

Поларни истражувачи на Антарктикот открија монументална „загубена“ ледена пештера со три ката, огромна сала, 200 метри пешачки патеки, неколку езера и скриена река.

Мистериозната пештера е пронајдена на островот Галиндез, каде што се наоѓа базата на Украинската антарктичка експедиција (УАЕ). Постоеше познат влез во пештерата наспроти станицата на брегот на островот, но пред неколку години отворот беше блокиран кога глечерот падна во океанот.

Тимот неуморно пребарувал за да најде друг влез во пештерата. По неколку неуспешни обиди, тие пронашле отвор кај една стара британска база - и откриле дека пештерата всушност е трипати поголема отколку што претходно се мислеше.

На долниот кат на велелепната пештера екипата пронашла замрзнато езеро и џиновска сала, висока речиси колку четирикатна зграда (12 метри), широка осум метри и долга неверојатни 30 метри. На трите ката на пештерата и на околу двестете метри пешачки патеки, тимот открил ледена река и птичји пердув во леден блок околу 20 метри под површината.

Истражувачите знаат дека пердувот не му припаѓа на пингвин, но примерокот е испратен во Украина за понатамошно испитување за да се утврди на што точно му припаѓа и, уште поважно, колку долго бил таму.

Објавено

Четврток, Септември 12, 2019 - 15:09

Тоа што е многу поважно е дека се работи за ПРЕТХОДНА проверка, а не за post festum ветинг.

повеќе

Како што расте бројот на оние кои објавуваат непроверени, лажни и злонамерни информации, така се зголемува и бројот на медиуми кои работат со проверка на факти и се борат за вистината во јавниот простор преку одговорно истражување.

повеќе

Единствена работа за која ние граѓаните не плаќаме данок, е воздухот кој го дишеме.

повеќе