Откриен нов „копнен и воден“ велосираптор, како диносаурус

Научниците открија нов вид полуводен диносаурус што би можел да убие плен на земја и во вода, објавија научниците во средата.

Со лебедов врат и предни екстремитети како пераи, суштеството беше поврзано со велосирапторите, познати од филмовите „Паркот Јура“, кои живееле пред околу 75 милиони години во денешна Монголија, пренесе АФП.

„Треба да замислите мешавина помеѓу велосираптор, ној и лебед, со нос на крокодил и крилја на пингвин“, вели Павле Тафуроу, палеонтолог во Европскиот институт синхротроно зрачење (E-Ес-Ер-Еф) во Гренобл, Франција, и коавтор на студијата.

„Тоа е малку вонземјанско“, рече тој.

Научниците дошле до ова откритие со проучувањето на  фосилот, наречен „Халсзка“ за Халсзкараптор ескуилиеи (Halszkaraptor escuilliei), кој бил пронајден во Укхаа Толгод во јужна Монголија, што е добро познато место за заинтересираните ентузијасти за диносауруси кои бараат скелетни остатоци на овие изгубени суштества пред долго време.

Добро сочуваниот фосил има неочекувана мешавина на карактеристики кои укажуваат на тоа дека некои птичји диносауруси оделе на копно и се прилагодувале на полу-воден животен стил, изјавија научниците во студијата објавена во „Природа“, истакнувајќи дека ова е првото такво откритие.

„Халсзка можел да лови на копно и можел да плива и лови во вода“, рече Тафуроу.

Македонија треба да започне со процесот на усвојување модел за правно признавање на родот со почитување на фундаменталните права и правото на личен и телесен интегритет на транс луѓето.

повеќе

Парадоксалните судски процеси во државава, сами по себе родија парадокс.

повеќе

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе