НАТО се плаши дека со купувањето на рускиот С-400, Турција го загрозува авионот Ф-35

Американскиот врховен командант на НАТО силите за Европа, генералот Кертис Скапароти, изјави дека ќе им препорача на САД да не ѝ го продаваат борбенот авион Ф-35 на Турција.

Генералот Скапароти наведе дека трговијата треба да се спречи доколку Анкара продолжи со реализацијата на планот да го купи напредниот руски противвоздушен систем.

Скапароти смета дека Турција треба повторно да размисли за својот план за купување на С-400 годинава или ќе го изгуби пристапот до идните американски воени летала и системи, пренесува Асошиејтед прес.

Според него, С-400 би бил закана за Ф-35.

Американски функционери во моментов се во Турција за да ги објаснат последиците од купувањето на ракетниот систем С-400, додаде американскиот генерал.

И Пентагон ѝ се закани на Анкара со „тешки последици“ доколку не го откаже купувањето на С-400 од Русија, а портпаролот на американското министерство за одбрана ја советуваше Турција да најде „подобри опции“ и ја предупреди на „пошироките последици“.

„Купувањето на рускиот одбранбен систем С-400 од страна на Турција ќе има тешки последици по одбранбените врски на САД со Турција“, изјави портпаролот на Пентагон Ерик Пахон.

Американскиот Стејт департмент во декември одобри продажба во вредност од три и пол милијарди долари на противвоздушниот систем „патриот“ на Турција, а испораката на авионите Ф-35 е одложена додека преговорите околу системот С-400 со Москва продолжуваат.

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе