Руската копнена контрола им наредила на космонаутите да се скријат во вселенското летало Сојуз, а американски Хјустон им порачал на своите астронаути да се скријат во американскиот сегмент.
„Според информациите од контролниот центар на мисијата во Хјустон, во блиска иднина станицата ќе влезе во коридорот на можен пристап со објект на вселенски отпад“, се вели во соопштението на Роскосмос, цитирано од ТАСС.
Остатоците, наводно дел од сателит, ќе поминат од таму денеска попладне.
Во средата, ИСС маневрираше за да избегне судир со дел од кинески метеоролошки сателит што беше уништен со тест на оружје во 2007 година.
