На Антарктикот откриен 200 милиони години стар отпечаток од стапало на диносаурус

Научници за време на експедиција на Антарктикот откриле фосилизиран отпечаток од стапало на диносаурус стар околу 200 милиони години.

Откриениот отпечаток е со големина на рака и го оставило животно од групата архосаури, соопшти во средата германскиот Сојузен институт за геонаука и природни ресурси (БГР) во градот Хановер. За кој точно вид диносаурус станува збор засега не е јасно.

Архосаурите (Archosauria) се главно фосилна група организми (подгрупа), кои, покрај другите, ги опфаќаат и диносаурусите, птеросаурусите (летечките влекачи) и денешните крокодили.

Научниците отпечатокот го откриле во јануари 2016 во севрната област на Викториината земја, но нивните откритија дури неодамна беа објавени во стручниот магазин Полар рисрч.

Коски на диносауруси и претходно биле откривани во јужниот дел на Викториина земја, кажа лидерот на експедицијата на БГР Андреас Леуфер, но во северниот досега ништо не е откриено.

„Тоа беше нешто што не го очекувавме“, кажа тој за фосилизираниот отпечаток од стапалото.

Покрај тоа, научниците откриле фосилизирани остатоци од шуми околу 1.700 километри од Јужниот пол.

„Тоа покажува дека Антарктикот пред околу 200 милиони години бе бил леден континент како денес“, истакна Леуфер.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе