Милиони парчиња пластичен отпад ги затрупале ненаселените австралиски „рајски“ острови (ВИДЕО)

Според најново истражување, речиси половина милион пластични обувки и повеќе од 370.000 четкички за заби се најдени на плажите на Кокосовите острови кои се наоѓаат во источниот дел на Индискиот Океан, јавува Си-ен-ен.

Резултатите на истражувањето објавени вчера во списанието Сајентифик репортс покажаа дека на оваа австралиска територија се натрупале 238 тони пластика, и покрај тоа што таму живеат едвај 500 луѓе.

Групата од 27 острови е главно ненаселена, а на туристите им се претставува како „последниот австралиски нечепнат рај“.

„Голем дел од ѓубрето е потрошувачка стока за еднократна употреба како капачиња за шишиња, сламки, влечки и сандали“, изјави авторката на истражувањето, еколошката Џенифер Лаверс од Универзитетот на Тасманија.

„Нашите океани се загадени со пластичен отпад, а оддалечените острови се одличен пример за тоа колку од ова ѓубре кружи по нашата планета. Таквите острови се како канаринците во рудниците за јаглен кои предупредуваат на разни загадувања и време е да ги послушаме нивните предупредувања“, додаде таа.

Коавторката на истражувањето, еколошката Анет Фингер од Универзитетот Викторија, проценува дека само во 2010 година 12,7 милиони тони пластика стигнале во светските океани.

„Пластичниот отпад им се заканува на сите животински видови. Единственото одржливо решение е намалување на производството и потрошувачката на пластиката со подобро управување со отпадот“, вели Фингер.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе