Летачки Французин успешно го прелета Ламанш на ховерборд (ВИДЕО)

Французинот Франки Запата, кој со ховербордот наречен „флајборд“  полета од местото Сангат на северот на Франција, успеа за малку повеќе од 20 минути, во вториот обид, да го прелета каналот Ламанш.

Запата, по краткото слетување на еден брод за својот изум да го дополни со керозин, стигна до англискиот брег Сент Маргарет. Прелета околу 35 километри, а леташе на 15 до 20 метри над водата.

„Сѐ помина добро. И покрај тоа што беше комплицирано поради краткото слетување, ја видов Англија кон која се приближував и не мислев на нозете кои ме болеа“, кажа Запата по слетувањето и додаде дека летал со брзина од 160 до 170 километри на час.

40-годишниот Запата, поранешен светски шампион на воден скутер, во првиот обид падна во морето бидејќи требаше да се спушти на брод и резервоарот на своето летало да го наполни со гориво по 20 километри лет.

За тој обид мораше да направи нова, прилагодена верзија на својот ховерборд. Направата ја продава неговата компанија за опрема за водени спортови. Се полни со керозин од ранецот кој се носи на грбот, а стапалата се прицврстени на леталото.

Запата на 14 јули за време на парадата на францускиот национален празник Денот на падот на Бастилја со „флајбордот“ прелета неколку десетици метри над Елисејските полиња во Париз и ги воодушеви гледачите.

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе

Без оглед на политичката заднина на случајот за изнудување, владата во Скопје мора да се фокусира на темелна истрага наместо на ограничување на штетата.

повеќе