Израел отвори прва подземна банка на крв во светот отпорна на ракети (ВИДЕО)

Израел свечено ја отвори првата подземна банка на крв во светот отпорна на ракети, објави денес израелската Национална организација за итна и трансфузиска медицина, Маген Давид Адом (МДА).

EPA-EFE

Објектот во градот Рамла, меѓу Тел Авив и Ерусалим, свечено е отворен синоќа, но се очекува со работа официјално да почне подоцна во текот на годината, кажа портпаролката на МДА.

„Да се прими трансфузија на крв, незаменлив дар од целосен странец, е важен потсетник на тоа дека од сега можеме да се чувствуваме безбедни благодарение на овој импресивен нов центар“, кажа израелскиот претседател Исак Херцог.

Националната банка на крв е изградена за да „ги заштити израелските стратегиски важни резерви на крв од ракетни, хемиски и биолошки напади, како и земјотреси“, се наведува во објавата на МДА. Зградата има шест спрата, од кои три се подземни.

Во новиот објект би требало да се чуваат околу половина милион единици крв, објави Ерусалим пост.

Во минатото итните служби биле приморани да го прекинат процесот на дарување крв за време на ракетни напади и да ги преместуваат резервите крв во засолништа.

„Овој центар ќе му овозможи на МДА да спаси неброени животи во војна и во мир“, кажа Кетрин Рид, главната извршна директорка на компанијата.

Новата зграда има специјални дебели зацементирани ѕидови и бројни заштитни механизми во случај на напад со биолошко или хемиско оружје.

Легенда под Главна слика

EPA-EFE

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе