Пред слетувањето на Чандрајан-2

Индија пушти нови фотографии од површината на месечината (ФОТО)

Вселенското летало „Чандрајан-2“ на Индија испрати нови слики од површината на Месечината, полна со кратери, само неколку недели пред леталото да се спушти на неистражениот јужен пол на природниот сателит на Земјата.

Фотографиите се направени од над 4.000 километри над површината на Месечината, а беа објавени во понеделникот од Индиската организација за вселенско истражување (ИСРО).

Тие опфаќаат голем број значајни лунарни знаменитости, вклучувајќи ги кратерите Сомерфелд, Џексон, Мах, Королев и Митра и регионот на северниот пол.

Кратерите Сомерфилд и Кирквуд

Чандрајан-2 моментно орбитира околу Месечината, изведувајќи маневри во склоп на подготовките за своето слетување на месечината на 7 септември.

Кратерите Џексон, Мах, Митра и Королев.

Откако ќе слета во регионот на јужниот пол, ќе испушти мал ровер на соларна енергија, Прагјан. За време на 14-дневниот животен век, се очекува роверот да помине половина километар од лендерот, фотографирајќи и собирајќи податоци.

Доколку мисијата биде успешна, Индија ќе биде четвртата земја што слетала на Месечината, по САД, СССР и Кина.

Објавено

Понеделник, Август 26, 2019 - 20:43

Поентата на глобализмот е максимално економско вмрежување во десетици економски сојузи на секоја држава.

повеќе

Социјалниот маркетинг веднаш би можел ефективно да придонесе во напорите против нееколошкото однесување во нашата земја.

повеќе

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе