Астрономите првпат директно видоа огромен изблик на ветер во галаксија далеку, далеку од тука (ВИДЕО)

Астрономите за прв пат биле сведоци на огромен налет на ветер во вселената, откако откриле гасен облак што се протега стотици илјади светлосни години од една галаксија.

Ова е првиот директен доказ дека галактичките ветрови го хранат циркумгалактичкиот медиум (превезот од гас што ги опкружува галаксиите додека лебдат низ универзумот). Гасниот облак бил забележан како лебди околу галаксијата СДСС J211824.06 + 001729.4, со прекар Макани, соодветно изведен од хавајскиот збор за ветер.

Макани всушност е остаток од две галаксии што се судриле и потоа се стабилизирале.

„Соединувањето на галаксиите честопати доведува до појава на ѕвездообразување, кога се компресира значително количество гас присутен во галаксиите што се спојуваат, што резултира со нови раѓања на ѕвезди“, објасни астрофизичарката Алисон Кол од Универзитетот Калифорнија Сан Диего.

„Тие нови ѕвезди, во случајот со Макани, веројатно предизвикале огромни изливи - или на ѕвездени ветрови, или на крајот од животот кога експлодираат како супернови“.

Лебдечкиот облак од врел јонизиран кислород се протега околу 4.900 квадратни килопарсеци, или приближно 52 милијарди квадратни светлосни години, во дводелен облак во форма на песочен часовник, кој достигнува температури до 10.000 Целзиусови степени.

Првиот дел од гасниот облак датира од пред 400 милиони години и се движи со 1.400 километри во секунда, додека втората гасна ерупција е стара само 7 милиони години и се движи и до 2.100 километри во секунда.

„Ова значи дека можеме да потврдиме дека тоа всушност го движи гасот од галаксијата во циркумгалактичките региони околу неа, а и носи уште повеќе гасови од околината додека се движи“, објасни физичарот Дејвид Рупке од колеџот Родос.

„А движи голем дел од тоа - барем еден до 10 проценти од видливата маса на целата галаксија - со многу големи брзини, илјадници километри во секунда“.

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе