Китот е следен во заливот Корковадо, а на анимацијата е означен како сина точка, додека другите точки ги претставуваат бродовите. Анимацијата е објавена со истражување на траекториите на китовите и бродовите, а движењето на китовите е следено во период од три месеци, по што тие траектории се споредени со движењето на бродовите.
Научниците кажаа дека резултатите укажуваат на потребата од мерки кои ќе ги заштитат китовите, а кои подразбираат закон за брзината на пловењето. Целта е да се спречи бродовите да удираат во китовите кои се наоѓаат во тие води. Колку се китовите загрозени најдобро покажува анимацијата.
Јасно е дека китовите ги загрозуваат големиот број транспортни и рибарски бродови кои се движат брзо и кои можат да предизвикаат сериозни, понекогаш и фатални повреди на китовите.
Колку случаи на контакт се случуваат е невозможно да се утврди бидејќи таквите ситуации често не се пријавуваат. Сините китови се загрозен вид, а секој загинат кит е голема трагедија по децениите лов, кој драматично ја намали нивната популација.
THREAD Are U stressed? Animation by @BedrinanaLuis shows 1 difficult week in the life of 1 #whale. BLUE DOT is 1 whale trying to feed while dodging heavy vessels traffic @ #Ancud Gulf 3/22/19 to 3/29/19 #shipstrikes #whales Paper @Nature https://t.co/EA2lt0F0l8 @alex_zerbini pic.twitter.com/XkQOeRXs4L
— Centro Ballena Azul (@ballenaschile) February 2, 2021
