Загреб

ХДЗ убедливо води на изборите во Хрватска

Државната изборна комисија објави вечерва прелиминарни резултати, според кои владејачката партија Хрватска демократска заедница (ХДЗ) ќе освои дури 69 мандати.

Врз основа на само 22,95 отсто обработени гласови, опозициската коалиција на левиот центар Рестарт, предводна од Социјалдемократската партија (СДП) ќе има 44 мандати.

Десничарското Татковинско движење е трета политичка сила во новиот состав на Парламентот и освојува 15 мандати.

По четири мандати засега имаат десничарската партија Мост и зелено-левичарската коалиција Можеме.

Според досегашните резултати, по еден мандат ќе освојат и партиите на центарот Реформисти и Хрватската народна партија, како и коалицијата на партии од левиот центар Партија со име и презиме – Паметно – Фокус.

Нови резултати се објавуваат на секои 15 минути, како што се обработуваат гласовите, а поубедливи податоци се очекуваат по 23 часот.

Овие резултати се дочекани во изборниот штаб на ХДЗ со огромно задоволство, а меѓу партиските симпатизери пристигнал и актуелниот премиер и лидер на партијата Андреј Пленковиќ. 

MИА

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе