Околу 36,1 отсто на годишно ниво

Во Турција во декември рекордна инфлација

Порастот на потрошувачките цени во Турција достигнал 36,08 отсто во декември, што е рекорд од септември 2002, а последица е на падот на вредноста на лирата, покажуваат податоците.

EPA-EFE

Оваа инфлација, повеќе од седум пати повисока од првичната цел на владата, се објаснува со падот на вредноста на турската лира од речиси 45 отсто во однос на доларот во последната година.

Инфлацијата која достигна 21,31 отсто на годишно ниво во ноември стана многу бурна политичка тема во Турција, 18 месеци пред следните претседателски избори предвидени за 2023 година.

Опозицијата во последните месеци ја обвинува Националната канцеларија за статистика дека намерно ги намалува извештаите за тоа колку растат цените.

За граѓаните на земјата падот на вредноста на валутата се гледа во скокот на цените кој тешко се издржува бидејќи земјата е многу зависна од увозот, особено на суровини и енергенси.

По повеќенеделните историски загуби на вредноста турската лира силно се опорави кон средината на декември по итните мерки кои ги најави претседателот Реџеп Таип Ердоган и масовните продажби на резервите во долари, но во последните денови таа повторно ја губи вредноста во однос на доларот.

Легенда под Главна слика

EPA-EFE

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе