Србија ги ограничи цените на основните намирници

Владата на Србија на денешна седница донесе одлука да ја ограничи висината на цените на основните животни намирници.

EPA-EFE

Станува збор за шеќерот кристал, брашното Т-400, сончогледовото масло за јадење, свинското месо и млекото со 2,8 отсто млечна масленост, а одлучено е намирниците да не го надминуваат нивото на цените кои важеле на 15 ноември 2021 година.

Како што се наведува во официјалното соопштение, ограничувањето на цените е утврдено за да се отстранат штетните последици и да се спречат нарушувања на пазарот и нема да се однесуваат на намалени цени (распродажби, сезонски намалувања или акциски продажби) доколку важеле на 15 ноември, туку на редовните, односно цените пред снижувањето.

„Со одлуката која ќе биде применувана во траење од 60 дена предвидено е дека произведувачите овие производи не смеат да ги испорачуваат во количества помали од просечните во последните 12 месеци, а за кршење на наведените одредби предвидени се парични казни, како и забрана за вршење на дејноста од шест месеци до една година“, се наведува.

Исто така, имајќи го предвид драстично поскапување на берзите на електрична енергија во последните месеци, српската влада донесе заклучок за цената на електричната енергија за резервно снабдување на крајните купувачи кои немаат право на гарантирано снабдување по 1 декември 2021.

„Утврдената цена на електричната енергија ќе биде применувана до стабилизирањето на ситуацијата на референтната берза“, се додава.

„Со донесувањето на оваа одлука цените на спомнатите производи во следните два месеци не смеат да го преминуваат нивото од 15 ноември годинава. Владата во случај на потреба ќе ја продолжи оваа мерка и по истекот на 60 дена“, порача српската министерка за трговија, туризам и телекомуникации Татјана Матиќ.

Таа додаде дека мерката била неопходна со цел заштита на животниот стандард на граѓаните.

Легенда под Главна слика

EPA-EFE

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе