Русија, Украина и ЕУ ги продолжуваат преговорите за украинската гасна рута

Москва, Киев и Брисел во понеделник, на 28 октомври ќе разговараат за условите на идниот договор за гасот, како и за количеството и тарифите на снабдувањето, јавуваат руските медиуми повикувајќи се на прес-службата на Европската Унија.

Преговорите, како што се наведува, ќе бидат фокусирани на тоа како енергетската регулатива на ЕУ да се вклопи во идниот рамковен договор за транспортот на рускиот гас низ Украина, како и на траењето на идниот договор и потрените количества и тарифи.

Се најавува дека и потпретседателот на Европската комисија за енергетска унија Марош Шефчович одвоено ќе се сретне со министрите за енергетика на Украина и Руската Федерација Александар Новак и Алексеј Оржел, а ќе учествуваат и претставници на украински Нафтогаз и руски Газпром.

„Сакам да го развијам конструктивниот дух присутен на последниот круг преговори кога сведочевме на приближување на ставовите за некои прашања“, кажа Шефчович.

Последниот круг на преговори на Русија, Украина и ЕУ за продолжување на договорот за транзитот на рускиот гас во Европа низ Украина беше одржан на 19 септември и траеше само 40 минути, а потоа Шефчович изјави дека првпат по многу години минал во многу конструктивен и позитивен тон.

Трите страни тогаш истакнаа дека продолжување на транспортот низ Украина и испораката на гасот во Европа е можна во речиси секое сценарио, и дека Газпром, Украина и Европа се погрижиле и за можни „црни денови“ со полнење рекордни количества гас во подземни магацини.

Договорот за транзит на рускиот гас во ЕУ низ Украина истекува на 31 декември годинава. Русија предлага продолжување на договорот врз актуелните основи, а ЕУ украинскиот гасоводен систем да биде дел од поголем проект за достава на гасот од централна Азија во Европа.

Украинскиот оператор Нафтогаз ја обвинува Москва дека би сакала целосно да го прекине транзитот на гас низ Украина. Русите пак повеќе пати одговорија дека, без оглед на изградбата на другите гасоводи од Русија кон Европа, особено на Северен тек 2 и Турски тек, транзитот низ Украина може да биде продолжен доколку Украина предложи конкурентни услови.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе