Од денес во Салвадор може легално да се плаќа со биткоин

Биткоинот денес стана легално средство за плаќање во Салвадор, кој стана првата земја во светот која на граѓаните им овозможи плаќање со најпопуларната криптовалута.

EPA-EFE

Ел Салвадор пред три месеци усвои закон според кој сите трговци мора да го прифатат биткоинот како средство за плаќање, ако ги имаат потребните технички можности, а граѓаните можат и даноците да ги плаќаат во биткоини.

Салвадорскиот претседател Најиб Букеле кажа дека секој кој ќе го преземе дигиталниот паричник Чиво ќе добие почетен кредит во износ од 30 долари. Додаде дека ќе постојат 200 банкомати на Чиво.

Биткоинот не го контролира централна банка, туку настана со децентрализиран и исклучително енергетски интензивен компјутерски процес.

Неговата вредност силно варира.

Официјалната валута на Салвадор од 2001 година е американскиот долар, поради што таа централноамериканска земја стана зависна од монетарната политика на американската централна банка.

Вклучувањето во оптек на криптовалутата, чија вредност зависи исклучиво од пазарните критериуми, е нужно за економскиот раст на Салвадор, се наведува во законот со кој биткоинот стана легално средство за плаќање.

Околу 70 отсто од приближно шест милиони жители на Салвадор немаат пристап до традиционалните финансиски услуги, а многумина зависат од префрлање пари од роднини во САД.

Ист процент на граѓани на Салвадор се против законот за биткоин, покажа национално истражување кое во август го спроведе централноамериканскиот универитет Универсидад Сентроамерикана (УЦА) врз примерок од 1.300 анкетирани.

Отприлика ист број анкетирани не знаеле што е точно биткоин, а само 4,8 отсто точно го дефинирале како криптовалута.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе