Извештај на Еуростат

Невработеноста во ЕУ и еврозоната најниска од почетокот на пандемијата

Стапката на невработеност во Европската Унија и еврозоната се спуштила во ноември на најниското ниво од март 2020 година и почетокот на пандемијата, покажува извештај на Еуростат.

EPA-EFE

Стапката на невработеност во ЕУ, мерена по методологијата на Меѓународната организација за труд (ИЛО), во ноември паднала 0,2 процентни бода во однос на претходниот месец, на 6,5 отсто, покажува извештајот на европската статистичка агенција.

Во еврозоната паднала за 0,1 процентен бод, на 7,2 отсто.

Невработеноста во двете области паднала на најниското ниво од март 2020 кога коронавирусот почна да се шири по светот.

Според проценката на Еуростат, вкупно во ноември без работа биле 13,98 милиони граѓани, од кои 11,83 милиони во еврозоната.

Во однос на октомври нивната бројка во ЕУ паднала за 247 илјади, и 222 илјади во еврозоната. Во споредба со ноември 2020 година, бројот на невработени е помал за 1,66 милиони во ЕУ и 1,41 милион во еврозоната.

Шпанија и Грција и во ноември единствени во ЕУ бележеле двоцифрени стапки на невработеност, од 14,1 и 13,4 отсто, покажува извештајот.

Најниска стапка на невработеност во ноември забележала Чешка, 2,2 отсто. Следат Холандија со 2,7 отсто, Полска со три отсто и Германија со 3,2 отсто.

Легенда под Главна слика

EPA-EFE

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе