Најголем пад на БДП на еврозоната откако се прави статистиката

Во еврозоната бруто домашниот производ паднал за 12,1 отсто во второто тромесечје годинава, додека економијата во целата ЕУ се намалила за 11,9 отсто.

EPA-EFE

Ова го покажуваат првите прелиминарни проценки на европската канцеларија за статистика Евростат.

Тоа е најголемиот пад откако европските статистичари ја следат економската активности од 1995 година.

Евростат во прелиминарните први проценки на БДП за второто тромесечје ги објави прелиминарните проценки за 10 земји членки, меѓу кои Белгија, Чешка, Германија, Шпанија, Фрација, Италија, Летонија, Литванија, Австрија и Португалија.

Меѓу земјите за кои Евростат веќе ги собрал податоците, најголем квартален пад на БДП меѓу април и крајот на јуни е забележан во Шпанија, минус 18,5 отсто.

За над 10 отсто се намалиле економиите на Португалија (минус 14,1 отсто, на Франција (минус 13,8 отсто), Италија (минус 12,4 отсто, Белгија (мунус 12,2 отсто), Австрија (минус 10,7 отсто) и Германија (минус 10,1 отсто. Најмал пад имала Литванија (минус 5,1 отсто).

Како што соопштија европските статистичари, ова е далеку најголемиот пад на БДП во еврозоната и во ЕУ досега.

Тие додадоа дека ова е првична проценка врз основа на нецелосни податоци, која ќе биде подвргната на преиспитување.

Евростат на 14 август ќе ја објави втората проценка на економскиот развој за вториот квартал на 2020 година.

Легенда под Главна слика

EPA-EFE

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе