Нафтата поскапе за над четири отсто по убиството на иранскиот генерал

Цените на нафтата скокнаа на меѓународните пазари за повеќе од четири отсто по американскиот воздушен напад и убиството на иранскиот генерал Касем Сулејмани, што ја зголеми загриженоста од ескалација на регионалните тензии и можното попречување на испораките на сурова нафта.

На лондонската берза цената на барелот порасна за 4,2 отсто или 2,83 долари во однос на претходното затворање и изнесуваше 69,08 долари, откако претходно денес достигна 69,50 долари.

На американскиот пазар цената на барелот порасна за 2,53 долари или 4,1 отсто, на 63,71 долари, а нешто претходно се искачи на највисокото ниво од април минатата година, од 64,09 долари.

Состојбата во Ирак е заострена по воздушниот напад во Багдад и убиството на моќниот ирански генерал Сулејмани и командантот на шиитските милиции Абу Махди ал Мухандис. Иранскиот врховен лидер Али Хамнеи и претседателот на Иран Хасан Рохани ветија дека ќе се одмаздат за смртта на генералот, кого САД го сметаат за терорист и одговорен за смртта на стотици американски војници.

„Очекуваме судирите од умерено до ниско ниво да раат најмалку еден месец и веројатно ќе останат ограничени на Ирак. Исто така е веројатно Иран да продолжи да ги попречува комерцијалните пловења во Персискиот Залив, а можеби ќе почне и воени вежби и привремено ќе го блокира поморскиот сообраќај“, вели иранскиот аналитичар на Евроазија Анри Роме.

Сите нафтени полиња во Ирак нормално функционираат, а нападите не влијаеја врз производството и извозот на нафта, соопшти ирачкото министерство за нафта и додаде дека работниците од други националности не заминуваат.

„Со понатамошна ескалација, која е веројатна, очекуваме задржување на барем некаква премија на ризикот“, наведува Џеј-би-си енерџи.

Елитните единици Кудс на Сулејмани и единиците под нивна контрола во Ирак, Либан и Јемен имаат доволно средства за повеќекратен одговор.

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе