Лавров: Ја научивме лекцијата со Јужен тек, сега бараме гаранции

На Русија ѝ се потребни цврсти гаранции од Европската комисија за изградба на транзитната линија на гасоводот Турски тек, изјави рускиот министер за надворешни работи Сергеј Лавров.

„Изградбата на Турски тек напредува според планираното. Се разгледуваат и опциите за продолжување на копнената транзитна линија на овој гасовод во правец на Европа“, кажа Лавров, а пренесува руската агенција ТАСС.

„Меѓутоа, имајќи ги предвид несреќните лекции поврзани со Јужен тек, сега се неопходни цврсти правни гаранции од Европската комисија“, додаде рускиот министер.

„Газпром минатата година го собори рекордот во испораките на гас на европскиот пазар. Реализацијата на големите инфраструктурни проекти продолжува, меѓу кои е и Северен тек 2 кој би требало, преку најкратката и најевтина рута, да го разграни снабдувањето со гас за европските потрошувачи“, кажа Лавров.

Првата линија на гасоводот Турски тек е наменета за испораки на гас во Турција, а другата за земјите од јужна и југоисточна Европа. Капацитетот на секоја линија е по 15,75 милијарди кубни метри гас годишно.

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе

Охрид, најголемиот и најпосетен туристички центар во Македонија, балканскиот Ерусалим и европскиот бисер, се менува со брзина на светлината.

повеќе