Косовската „рампа“ ја чини Србија 500 милиони евра

На српската економија со воведувањето на косовските царини ѝ е нанесена штета од над 500 милиони евра на годишно ниво, изјави Марко Ѓуриќ, директорот на Канцеларијата за Косово и Метохија на српската влада.

Ѓурич на конференција за новинарите ја праша Приштина кој е одговорен за шверцот на територијата на Косово и чии фирми профитираат од царините на српската стока, како и дека е невистинита изјавата на косовскиот претседател Хашим Тачи дека штетата од царините е само неколку милиони долари.

„Настојувањата да се намали штетата за да се намали притисокот кој Приштина го трпи од дел од меѓународната заедница не се ништо друго освен извртување на реалноста и неточно прикажување на фактите“, кажа Ѓуриќ.

Тој додаде дека Тачи и другите претставници на Приштина би требало, наместо да ја намалуваат штетата која нивните мреки им ја нанесуваат на Србите и Албанците и на српската економија, да понудат одговор на прашањето кој е одговорен за шверцот на територијата на Косово, за кој зборувал и Тачи.

„Бидејќи Тачи спомнува канали за шверц, кои постојат, потребно е некој од надлежните органи, или привремените институции на самоуправата во Приштина или другите држави кои учествуваат во опкружувањето во таквите активности, да дадат одговор на прашањето кој овозможува преку територијата на Македонија да се шверцуваат огромни количества стока на територијата на Косово и Метохија и чии фирми, блиски до кои косовски политичари, се главните профитери од антицивилизациските царини на српската стока“, кажа Ѓурич, истакнувајќи дека нечии фирми од сето ова дебело профитираат.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе