Коронавирусот речиси целосно го сопре турскиот туризам

Турскиот туризам речиси целосно сопре во април поради падот на странските посетители за над 99 отсто под влијание на ограничувањето на патувањата за да се сузбие ширењето на коронавирусот.

EPA-EFE/SEDAT SUNA

Во април во Турција допатуваке само 24.238 странски посетители, додека во истиот месец лани биле забележани 3,29 милиони, соопшти денес турското министерство за туризам.

Во првите четири месеци од оваа година нивниот број е повеќе од преполовен, на 4,3 милиони.

Истанбул имал најмногу посетители, вкупно 2,3 милиони во првите четири месеци од 2020. Најголемиот пазар била Бугарија од каде во Турција стигнале речиси 400 илјади посетители. Следи Германија со нешто повеќе од 356 илјади.

Турција во 2019 година имала вкупно 45 милиони странски посетители и 34,5 милијарди долари приходи од туризам, исклучително важни за потклекнатата економија.

Оваа недела повторно почнаа да примаат резервации од странство за повторно придвижување на услугите на здравствениот туризам за странците.

Хотелите во медитеранското одморалиште Анталија посебно почнаа со подготовки за повторно отворање, усогласено со владините безбедносни прописи за контрола на епидемијата.

Турција на 27 март ги прекина сите меѓународни летови за да се сузбие ширењето на вирусот.

Националниот превозник Туркиш ерлајнс неделава го продолжи прекинот на меѓународните летови до 10 јуни, додека домашните летови се прекинати до 4 јуни.

Легенда под Главна слика

EPA-EFE/SEDAT SUNA

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе