Давос

Кинескиот претседател: Треба да изградиме отворена светска економија

Претседателот на Кина Си Џинпинг го повика светот да ја зајакне макроекономската координација и да ја засили улогата на групата Г20 во глобалното економско управување, оценувајќи дека заздравувањето од пандемијата на коронавирусот е прилично несигурно.

EPA-EFE

Зборувајќи на виртуелното заседание на Светскиот економски форум, кој инаку традиционално се одржува во швајцарскиот ски-центар Давос, Си кажа дека глобалната економска перспектива и понатаму е неизвесна и предупреди дека вакви здравствени кризи можат да се повторат во иднина.

Си, на кого ова му беше прво обраќање на форумот од 2017 година, кога силно ги поддржа слободната трговија и глобализацијата, овој пат испрати слична порака, заговарајќи го мултилатерализмот како излез од сегашните предизвици.

„Би требало да изградиме отворена светска економија, да ги отфрлиме дискриминаторските и исклучивите стандарди, правила и системи и да ги урнеме бариерите во трговијата, инвестициите и размената на технологијата“, кажа тој.

„Групата Г20, меѓународниот форум во кој се 19-те најголеми развиени економии во светот и Европската Унија, би требало да се зајакне како главен форум за глобалното економско управување и светот би требало подобро да се координира во областа на макроекономската политика“, истакна првиот човек на Кина.

Со меѓународната заедница треба да се управува во согласност со правилата и врз основа на консензус на сите земји, а не една или неколку да издаваат наредни, заклучи Си не именувајќи ниедна земја конкретно.

Легенда под Главна слика

EPA-EFE

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе