Кина им се закани на САД: Ќе ги браниме своите интереси

Кина е целосно спремна да ги брани своите интереси во трговската војна со Соединетите Држави, но се надева дека САД можат да ги решат проблемите преку дијалог наместо преземање еднострани чекори, соопшти кинеското министерство за трговија.

„Кина е решена и способна да ги брани своите интереси, но се надева дека може да се најде со САД на половина пат“, им кажа на новинарите портпаролот на кинеското министерство, Гао Фенг.

Кинескиот вицепремиер Лиу Хе е на чело на делегацијата што треба денес и утре да одржи разговори со американските колеги во Вашингтон со цел да се спаси договорот, откако американскиот претседател Доналд Трамп се закани со зголемување на царините на кинеската стока.

Трамп вчера кажа дека Кина „го прекршила договорот“ постигнат во трговските преговори со САД и дека нема да се откаже од воведувањето нови давачки ако Пекинг „не престане да ги измамува нашите работници“.

Постигнувањето на договорот бара преземање напор од двете страни, изјави кинеската страна, додавајќи дека посетата на Лиу ја покажува искреноста на Кина. Пекинг е против еднострано наметнување давачки, а во трговската војна нема победник, истакна Гао.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе