И покрај санкциите приходот од извоз на нафта на Иран скокнал за 580 отсто

Иранскиот приход од извозот на нафта и деривати скокнал за 580 отсто во првите четири месеци на иранската фискална година, односно во периодот од 21 март до 21 јули.

EPA-EFE

Ова е во однос на истиот период од пред една година, соопшти иранскиот министер за економија Ехсан Кандузи.

„Благодарение на зголемувањето на извозот на нафта и валутниот курс на нашиот нов буџет, забележавме зголемување на приходите во државната каса од извозот на нафта и деривати за 580 отсто во првите четири месеци оваа година“, кажа Кандузи, а пренесува Ројтерс.

Британската агенција додава дека позитивниот извештај за нафтените приходи коинцидира со соопштението за иранската инфлација која надминува 50 отсто, со тројно зголемени цени на стоката, зголемување на трошоците за енергија и живеење и протести кои се шират во таа земја поради економските проблеми.

Цените на нафтата речиси се удвоија во однос на една година претходно поради војната во Украина и глобалното економско заздравување по пандемијата.

Иранската влада вели дека нашла начини да ги врати во својата каса средствата од претходниот извоз на енергенси и дека го зголемила извозот на нафта и покрај санкциите кои САД повторно ги воведоа во 2018 година откако поранешниот претседател Доналд Трамп го повлече Вашингтон од договорот за иранската нуклеарна програма.

Преговорите за заживување на тој договор од 2015 кои вклучуваат укинување на американските санкции се на пауза од март годинава, главно поради инсистирањето на Техеран Вашингтон да ја тргне иранската Револуционерна гарда од својата листа на терористички организации, пишува Ројтерс.

Легенда под Главна слика

EPA-EFE

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе