Грција воведува нова мерка за спречување на „одливот на мозоци“ – плата од 3.000 евра

Грците почнуваат пилот-проект со кој ќе се обидат да ги спречат и свртат ефектите на „одливот на мозоци“, пишува Тајмс.

Според податоците на грчката централна банка, 420.000 високообразовани, млади Грци ја напуштиле својата земја во последните десет години поради тешката финансиска криза и побарале работа во други делови на светот.

Затоа во рамки на новата програма „Ребрендирање на Грција“, властите сакаат да наговорат барем 500 висококвалификувани Грци меѓу 28 и 40 години, кои во моментов работат во странство, да се вратат во татковината, а им нудат добри позиции и минимална месечна плата од 3.000 евра (просечната минатогодишна плата во Грција беше околу 1.100 евра). Бидејќи Грција бележи голем дефицит на квалификувана работна сила, особено во ИТ секторот, акцентот ќе биде на луѓе со дипломи од таа област.

Во првата година од вработувањето, на повратникот две третини од платата ќе му ги покрива државата, со кофинансирање од фондовите на ЕУ, а преостанатата третина работодавецот. Компаниите кои сакаат да учествуваат во програмата ќе се обврзат да го задржат вработениот на работа, покрај првата субвенционирана година, уште барем една година со иста плата која ќе ја покрива во целост.

Грчките власти очекуваат голем број локални фирми во следните недели и месеци да изразат интерес за вработување талентирани економски емигранти.

„Нема шанси грчките компании, кои сакаат да ги прошират своите потенцијали, да не сакаат да ги задржат тите таленти за постојано кога веќе ќе ги вработат“, изјави грчкиот министер за труд Јанис Вруцис.

Меѓутоа, се очекува, според грчките медиуми, дека новата мерка ќе предизвика голем бунт кај оние што останаа во Грција за време на финансиската криза, а во моментов на истите позиции работат за месечни плати под илјада евра. Некои медиуми мерката веќе ја прогласија за дискриминирачка.

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе