Грција се надева дека долговите ќе ѝ бидат избришани

Грчкиот премиер Киријакос Мицотакис кажа во Берлин дека се надева дека конечно ќе се отвори дијалог за тешкото прашање на големиот долг на Грција кон нејзините доверители.

Иако тие се противат на бришењето на долгот, Мицотакис се надева на позитивен резултат.

„Прво сакаме да ги вратиме довербата и кредибилитетот на Грција, поткопан со годините на кризата поради кои падна економијата“, кажа Мицотакис за својата прва средба со германската канцеларка Ангела Меркел.

„Потоа ќе разговараме за темата на долгот“, кажа Мицотакис, кој стана премиер по вонредните избори на 7 јули, кога неговата партија Нова демократија доби апсолутно мнозинство.

„Колку е растот посилен, полесно е да се задржи долгот на одржливо ниво“, кажа грчкиот премиер.

„Она што сакаме најпрво е да добиеме политички кредибилитет како влада која реформира и која пред сѐ генерира раст“, истакна тој.

Прашањето за делумно или целосно отпишување на долгот „ќе се разгледува во соодветното време со кредиторите и, евентуално, билатерално“, кажа Мицотакис.

Германија, кој ги водеше преговорите на претходната левичарска влада на Алексис Ципрас и грчките кредитори во 2015 година, секогаш ја отфрлаше идејата за делумно бришење на грчкиот долг.

Меѓутоа, долгот е голем товар за економијата која се обидува да застане на нозе, бидејќи достигнува 179 отсто од БДП.

Пред четири години Грција го премина работ на банкрот и останува под надзор на своите доверители.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе