И покрај падот на економската активност

Германија прва во Европа по личното богатство

Германија е во самиот врв во Европа по личното богатство акумулирано во вредност поголема од 16 билиони евра, покажа истражување на швајцарски институт, истакнувајќи го понатамошното продлабочување на јазот меѓу богатите и сиромашните.

EPA-EFE

И покрај падот на економската активност личното богатство растело во 2020 година, првата година од пандемијата, се наведува во истражувањето во кое се опфатени 16 земји на ЕУ и Швајцарија, пренесува Сибиз.

Германија преводи во Европа со лично богатство од 16,4 билиони евра, а следат Франција со 12,6 билиони и Британија и Италија со по десет билиони, покажува истражувањето на Ридизајнинг фајненшал сервис (РСФ), институт со седиште во Цирих.

Реалниот бруто домашен производ на 16 земји од ЕУ и Швајцарија се намалил во пандемиската 2020 година 6,4 отсто, додека личното богатство пораснало за 3,9 отсто, на рекордни 69 билиони евра.

Тоа покажува дека јазот во богатството меѓу богатите и сиромашните се зголемува, а таквиот тренд според проценката на авторите на истражувањето ќе продолжи.

Според извештајот за богатството во Европа, Германија го има и најголемиот број на милионери, 2,9 милиони, а ја следат Британија и Франција со по 2,5 милиони.

Швајцарија предводи во уделот на милионери, кој достигнува 14,1 отсто, што значи дека приближно секој седми граѓанин припаѓа на таа група.

Истражувањето покажало и сè поизразена концентрација на богатството. Така во сопственост на најбогатите десет отсто европски домаќинства е околу половина од нето европското богатство. Најбогатите еден отсто од Европејците се сопственици на 19 отсто од вкупното богатство.

Институтот РСФ го формираа во 2016 година универзитетот во Сент Гален, универзитетот ЕТХ во Цирих и консултантската куќа ЕЈ, а фокусиран е на нови бизнис модели на финансиските услуги засновани на технологијата.

Легенда под Главна слика

EPA-EFE

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе