Директорот на Фолксваген: Подобро да го насочите својот гнев кон Саудиска Арабија

Фолксваген, Дајмлер и БМВ се соочуваат со закана со правни тужби, ако што побрзо не се обврзат на поамбициозен зелен план.

EPA-EFE

„Преминот на Фолксваген на електрични возила е невозможно да се забрза“, предупреди Херберт Дис, извршниот директор на вториот по големина светски произведувач на автомобили.

Фолксваген, како и германските конкуренти Дајмлер и БМВ, се соочуваат со правни тужби на Гринпис и ДУХ (Дојче умвелтхилфе) ако што побрзо не се обврзат на поамбициозниот план на целосно престанување на производство на возила со мотори со внатрешно согорување.

„Навистина сме брзи... Можеме ли да бидеме уште побрзи? Нема шанси. Овој премин е толку искомплициран, бара толку вложување, и тоа не е се проблеми со распределба на капиталот, туку и ограничувањата околу изградбата на погоните за производство на батерии“, им кажа на новинарите Дис во Минхен.

Фолксваген вложи 35 милијарди евра за развој на електричните автомобили, но активистите за заштита на животната средина бараат да направи многу повеќе.

Ситуацијата дополнително им ја закомплицира одлуката на германскиот уставен суд во април, со која на германската индустрија ѝ е наложено да ги забрза своите планови за намалување на јаглерод диоксидот, бидејќи судот смета дека не се доволни за исполнување на целите договорени со Парискиот климатски договор.

Фолксваген минатата година го лансираше својот прв големосериски електричен автомобил ИД.3, а во следната деценија планира да лансира уште неколку десетици модели. Мешутоа, нивното прво електрично возило кое масовно ќе се произведува ќе биде достапно дури во 2025, по цена од околу 20.000 евра.

Дис истакна дека му е јасно зошто произведувачите на автомобили се на мета на активистите, но им порача дека е подобро својот гнев да го насочат кон државите извознички на нафта како Саудиска Арабија.

Во предлог резолуцијата на Европскиот парламент за субвенциите за купување електрични автомобили за намалување на загадувањето со јаглерод диоксид, се повикува Европската комисија да го укине ДДВ-то на електричните автомобили во ЕУ додека нивниот пазарен удел не достигне најмалку 30 отсто од сите автомобили, и да предвиди субвенции на ниво на ЕУ за купување електрични автомобили.

Легенда под Главна слика

EPA-EFE

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе