Цените на гасот на европските берзи рушат историски рекорди

Велика Британија не се плаши дека ќе се соочи со недостиг од гас оваа зима и покрај наглиот пораст на цените, но е загрижена за зголемувањето на цените на гасот и другите енергенси, изјави министерот за бизнис, енергија и индустриска стратегија Кваси Квартенг во парламентот.

Фото: Пиксабеј

„Иако Обединетото Кралство, како и многу други европски земји, беше погодено од глобалниот пораст на цените на гасот, нашата предност е што имаме многу различни извори на снабдување. Имаме повеќе од доволно капацитет за да ја задоволиме побарувачката. Не очекуваме вонредни ситуации со снабдувањето со гас оваа зима. Прашањето за недостигот од енергенси и можноста луѓето да не можат да ги загреат своите домови не се ни разгледуваат“, рече Квартенг.

Министерот нагласи дека нема да се повтори енергетската криза од 1974 година, кога британските компании се снабдуваа со електрична енергија само три дена во неделата.

Тој ги нарече спротивните тврдења „длабоко погрешни и сензационалистички“.

Сепак, призна дека зголемувањето на цените на гасот и електричната енергија се прашање што ги загрижува економистите и владата, која во сегашната ситуација смета дека нејзина главна задача е да ги заштити интересите на потрошувачите.

Минатата среда цените на бензинот на европските берзи срушија историски рекорд, и во својот врв достигнаа скоро 970 долари за илјада кубни метри, но потоа паднаа. Во понеделникот наутро, цената на гасот на европските берзи повторно скокна на над 900 долари за илјада кубни метри, но потоа падна по веста дека норвешки Еквинор добил дозвола да го зголеми извозот на гас од своите крајбрежни полиња Осеберг и Трол.

Експертите веруваат дека цената на гасот во Европа под одредени услови може да достигне илјада долари за илјада кубни метри. Фактори што би можеле да влијаат на тоа се ситуацијата на пазарот за гас во Азија, временските услови во Европа и датумот на пуштање во употреба на гасоводот Северен тек 2.

Легенда под Главна слика

Фото: Пиксабеј

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе