Цената на златото нагло порасна

Цената на златото денес го надмина нивото на 1.400 долари за унца, приближувајќи се до највисокото ниво во шест години под влијание на слабиот долар, загриженоста за светската економија и геополитичките тензии.

Побарувачката по скапоцениот метал нагло порасна откако американската централна банка Фед во средата навести дека наскоро ќе ги снижи клучните каматни стапки по 10 години пауза.

Доларот ослабе по сигналот на Фед кој дојде во исто време со ублажувањето на монетарната политика на централните банки низ светот поради поттикнувањето на економскиот раст. Инвеститорите низ светот стравуваат дека економијата би можела дополнително да ослаби во условите на американско-кинеската трговска војна.

Наглиот пораст на цената на златото се поклопи и со веста за иранското соборување на американскиот „шпионски дрон“ кој, според тврдењата на Техеран, навлегол во иранскиот воздушен простор. Инцидентот дополнително ги заостри тензиите меѓу Иран и САД, разгорувајќи ги стравувањата од оружен конфликт.

Цената на златото скокна во јуни за околу 10 отсто и денес на азиската берза достигна 1.405 долари за унца, што е највисокото ниво од септември 2013 година.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе