Британската премиерка не се откажува од контроверзниот план кој ја урна фунтата

Премиерката на Британија Лиз Трас застана во одбрана на економскиот план на владата кој ги разниша економските пазари.

EPA-EFE

Таа оцени дека владата ќе ги преземе контроверзните чекори за да се оствари економски раст.

„Го поставивме вистинскиот план“, кажа таа за Би-би-си. Додаде дека била неопходна итна акција за да се поттикне економскиот раст, „Британија да оди напред и да се справи со инфлацијата, а тоа значи носење контроверзни и тешки одлуки“, пренесува Ројтерс.

Новата британска влада го најави најрадикалниот буџет во последните 50 години. Целта е достигнување економски раст од 2,5 отсто. Новите мерки ја шокираа берзата и предизвикаа пад на акциите и тонење на фунтата.

Сите најавени зголемувања на даноците се поништени, намален е данокот на приход, а таксата за купопродажба на недвижности е укината до вредноста од четврт милион фунти.

На прашањето дали ќе се повлече мини-буџетот, Трас одговори дека не ја прифаќа „премисата на тоа прашање“.

„Се соочуваме со тешки времиња за економијата. Тоа не го негирам. Тоа е глобален проблем. Но апсолутно е правилно тоа што владата реагираше во овие тешки времиња“, кажа премиерката на Британија.

Според неа, планот е Британија долгорочно да се насочи на подобар пат.

Легенда под Главна слика

EPA-EFE

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе