Погодени енергетскиот, финансискиот и трговскиот сектор

Американските санкции кон Иран стапија во сила, 8 увозници на нафта поштедени

Новите американски санкции кон Иран стапија денес во сила, но засега осум големи увозници на иранската нафта се поштедени од казни.

Санкциите се насочени кон иранскиот енергетски, финансиски и трговски сектор, за да се ослаби економијата на земјата по одлуката на американскиот претседател да ги повлече САД од нуклеарната спогодба што Иран во 2015 година ја постигна со светските сили.

Со денешното стапнување во сила се вратени сите санкции што беа укинати според договорот, со кој Иран доби пристап до милијарди долари во замена за намалување на својата нуклеарна програма.

Иако администрацијата на Доналд Трамп настојува да ги пресече изворите на приход од иранската нафта, некои од најважните сојузници на Вашингтон, како и ривалската Кина, и понатаму можат да купуваат иранска нафта сè додека работат на деградирање на договорот.

Покрај Кина, и Индија, Италија, Грција, Турција, Јужна Кореја, Тајван и Јапонија се изземени од санкциите поради увоз на иранска нафта, пренесува Ројтерс.

Во услови на партиска деполаризација на граѓаните, политичките елити во Македонија треба да пристапат кон помирување и ненасилно решавање на сите меѓусебни конфликти, за земјата да не се врати на патот на поделба.

повеќе

Помина веќе еден месец од објавувањето на документите на Викиликс на кои сите прочитавме дека Никола Димитров бил „заштитен извор на информации“ на САД. Засега, од обвинителството нема никаков одговор.

повеќе

Неопходно е да се надминат бариерите кои во моментов се присутни во регулаторната, политичката, финансиската и пазарната рамка и кои го кочат напредокот кон обновливите извори на енергија.

повеќе